Flamo

Árpád Tóth (1886-1928)

Tradukis Kálmán Kalocsay

La alumet' ĵetita tere
ekflagris fanfaronfiere.
La flava flam' kun ĉapo pinta,
sur piedfingrojn starinĝinta,
sin streĉis gaje, nano stranga,
kun sving' alsupra kaj alflanka,
la verdon mordis, volis febre
belegan incendion, nepre,
miraklon ruĝan, arbar-brulon,
aeron ardan, ĉielpurpuron.
Sed, en orgojlo, nur kvietis
la arboj, ĉiu flor' ridetis,
neniu pro l' danĝer' angoris,
eĉ herbo seka ĝin ignoris.
La febra nana flam' fridiĝis,
jam laca, sur la ter' sidiĝis,
ekflagris laste, kun kapklin',
sur musktapiŝo mortis. Fin'.
Krom mi, neniu vidis ĝin.

FONTO: Tóth, Árpád. “Flamo,” tradukis Kálmán Kalocsay, La Espero, 1958: 6-8, p. 80; Dissemitaj floroj: originalaj poemoj kaj tradukoj ekstervolumaj de Kálmán Kalocsay, enbukedigis Ada Csiszár (Budapest, 2005), p. 178-179.

Árpád Tóth (1886‑1928)

“La Nova Dio” de Árpád Tóth, tradukis Kálmán Kalocsay

“Marto” & “Elegio al Genist-Arbeto” de Árpád Tóth

“Aprila Capriccio” de Árpád Tóth, tradukis Kálmán Kalocsay

“Aprilo” de Árpád Tóth, tradukis Kálmán Kalocsay

“De animo ĝis animo” de Árpád Tóth, tradukis Kálmán Kalocsay

“De animo al animo” de Árpád Tóth, tradukis Ferenc Szilágyi

“From soul to soul” (Lélektől lélekig) by Árpád Tóth

Arĝenta Duopo: Jubilea Libro pri Julio Baghy — Kolomano Kalocsay

Ora Duopo: Jubilea Libro pri Julio Baghy kaj Kolomano Kalocsay
(enhavtablelo kun retligoj)

La Kremo de Kalocsay
(enhavtabelo kun retligoj)

Hungara Antologio (1933), redaktis Kálmán Kalocsay;
kunlaboris Julio Baghy, Károly Bodó, László Halka, Ferenc Szilágyi, Ludwig Totsche