Evo Sveti Vrag


Nigra ekstazo – I

Sed kelkaj akraj gutoj de turmento
en tiu ĉi miela vin’ tre plaĉas;
kaj kiam en la lito ni sovaĝas;
tre ofte venas plej volupta sento;
ne nur la mola lang’, sed ung’ kaj dento
la karnon gratas aŭ petole maĉas.
Strange! en lito ofte ni kuraĝas;
doloro ŝajnas pruvo de idento.

Kaj ili, en la lumo de l’ aŭroro,
triumfe ridas. Kial? pro doloro;
ŝi mordas lin; li pinĉas ŝian pugon;
kaj ambaŭ stringas preskaŭ ĝis sufoko;
kaj ili ludas la sovaĝan fugon –
du temojn en kunkura reciproko.

Nigra ekstazo – II

For la unuaj tagoj nematuraj
flugis, kaj portis for la revon cerban;
gustumi frukton iom pli acerban
ŝi emas nun; karesoj pli torturaj
plaĉas, kaj atakemoj akraj, duraj;
ŝi nun fortiras sian monton herban
de li, kaj ŝi minacas lin superban:
“Ne! mi rifuzas!” – Brakoj nun, eburaj,

belaj, sed fortaj, tenas por mistrakto
la inon en la luda am-barakto;
li prenos ŝin per kruda violento;
sed estos ludo; ŝi rezistas, rida,
sed preskaŭ svenas pro l’ mirinda sento
en sia piĉ’, neniam pli humida.


FONTO: Vrag, Evo Sveti [pseŭdonimo de Marjorie Boulton]. “Nigra ekstazo - I” & “Nigra ekstazo - II”; en La sekreta psiko [1954] (Saarbrücken: Edition Iltis [Arthur E. Iltis / Reinhard Haupenthal], 2002; 83 p.).


Viriniĝo” de Evo Sveti Vrag (Marjorie Boulton)

Al la edzino de mia amato” de Marjorie Boulton

Vespera Vizitanto” de Marjorie Boulton

Interne kaj Ekstere” de Marjorie Boulton

“Ahasvero de amo XI”/ “Ahasuerus of Love XI” by Kálmán Kalocsay,
translated from Esperanto by Marjorie Boulton

The Second Universal Congress of Esperanto: Opening Address, Geneva, Switzerland, 28 August 1906
de L. L. Zamenhof; partial translation from Esperanto by Marjorie Boulton, completed by Ralph Dumain

Nigraj Okuloj” [recenzo de Marjorie Boulton, Okuloj]
de Sándor Szathmári

Esperanto & Interlinguistics Study Guide / Retgvidilo pri Esperanto & Interlingvistiko

Alireteje / Offsite:

Fenikso” de Marjorie Boulton

Marjorie Boulton @ Ĝirafo


Home Page | Site Map | What's New | Coming Attractions | Book News
Bibliography | Mini-Bibliographies | Study Guides | Special Sections
My Writings | Other Authors' Texts | Philosophical Quotations
Blogs | Images & Sounds | External Links

CONTACT Ralph Dumain

Uploaded 19 September 2018

Site ©1999-2018 Ralph Dumain