Rimletero

de William Auld

Ho Francis, Francis, Francis, Francis,
Ĉu ankaŭ vin inundis Lethe?
Ĉu silentados vi vegete,
kie vi iam kantis, dancis?

Antaŭe vi kuraĝe lancis
kaj tre fervoris batalprete—
Ho Francis, Francis, Francis, Francis!
Ĉu ankaŭ vin inundis Lethe?

Ĉu vian koron vi bilancis,
kaj staras vivkalkul’ debete?
Volu repensi iomete:
Ĉu ni ne vigle renesancis?—

Ho Francis, Francis, Francis, Francis!

SOURCE: Auld, William. "Rimletero," en En Barko Senpilota: Plena Originala Poemaro [originale en Humoroj], red. Aldo de’ Giorgi (Pizo: Edistudio, 1987), p. 486.

“La Klera Despoto” de John I. Francis

“La Tento de Kul” de John I. Francis

“The Temptation of Kul” by John I. Francis, a tale of absolutisms in conflict
translated from Esperanto by R. Dumain

“Okazos je la Deka” de John I. Francis

“Odo al Najtingalo”de John Keats, elangligis John Francis

“Ĝeraldina” de John Islay Francis

“Ombroj en mateno” de John Francis / “Shades of Morning” translated by William Auld

“Rimletero 77” de William Auld

John Islay Francis — Retgvidilo / Web Guide

William Auld Memorial Page / En Memoro

Esperanto & Interlinguistics Study Guide / Retgvidilo pri Esperanto & Interlingvistiko

Offsite / Alireteje:

John I. Francis @ Ĝirafo

John Francis @ Originala Literaturo en Esperanto (Don Harlow)

La tuŝo de morto de John Francis

CONTACT Ralph Dumain

Uploaded 5 March 2011