Pri Simpozio

Praha, la 20an de Majo, 1983.

Kara kolego,

Hodiaŭ mi ricevis el via lando tre interesan revuon. SIMPOZIO, n-ro 1, estas fakte granda surprizo. Jam la invito estas tre simpatia. Jes, ﬁlozofumas ni ĉiuj, eĉ simplaj homoj. Sed ni devas nur kultivi niajn mensojn per sistemeco kaj metodikeco de niaj mensoj.

Vi proksimas la eblecon de la ĉiutaga ﬁlozofio kaj mi ĝoje konsentas. Oni devas pensi pri faktoj, pri realeco de nia vivo, de nia epoko. Krei la filozofian terminologion estas tre necese. Krei ﬁlozoﬁon de nia lingvo. La filozofio estas grava por Esperanto-movado. Ni devas pli profunde pensi pri kaŭzoj de niaj venkoj kaj malvenkoj. Esperanto estas grava por la ﬁlozoﬁo.

La ﬁlozofio gravas por Esperanto. Krei propran skolon de la filozofado, genia ideo. Krei tutmondan Filozofian Asocion. Belega ideo. Kaj kunigi nian movadon kun aliaj ﬁlozofoj, ankoraŭ pli bona ideo, ĉar nur kunlabore kun la tutrnondaj filozofoj ni povas ion signiﬁ. Ankaŭ mi multe ĝojas aŭdi, ke dum la UK en Budapeŝto ni povas kongreseti pri la filozofio.

Dankon pro via iniciativo. Mi ĝoje kunlaboros.

Mia vivkariero estis destinita per ﬁlozoﬁo. Tiun mi studis en Prago. Mi havis du inklinojn: pedagogio kaj filozoﬁo kaj historio. Mi laboris en branĉo de la metodiko. Mi instruis la metodikon de la filozoﬁo en Praga Karola Universitato kaj en la Instituto por instruado de la instruistoj kaj en la Esplora Instituto por edukado de la junularo. Sed poste min kaptis la emo poezii. Do nun mi havas eblecon denove reveni al mia amo filozofia pere de Esperanto. Dankegon.

Krei propran esperantan ﬁlozoﬁon estas ideo bonega. La originalaĵoj estas pli ol nur tradukoj, sed nature ankaŭ ili estas necesaj. Sed traduki tion, kio jam estis tradukita en vivantaj lingvoj, tio ne multon signifas. Nature, ellabori la vortaron filozofian kaj diﬁni la nociojn, estas necese kaj utile por ekzerci la lingvon. Sed tamen, se ni kapablos krei niajn proprajn valorojn en sfero de ﬁlozofio, ni sukcesos. Ni estiĝos partneroj de niaj kolegoj neesperantistaj.

Mi ekkomencis labori. Mi sendados al vi regule miajn filozofiajn kaj originale verkitajn kontribuaĵojn pri la problemo hodiaŭi tre utila: serĉado de la vero. Nu bone, vi vidos, ĉu mi sukcesis aŭ ne. Mi komencis studi Esperanton ﬁne de la jaro 1978 kaj do mi estas novulo kaj ﬁlozofi en Esperanto ne estas facile por mi. Tamen mi volas ion gravan diri.

Saluton kaj deziron ke vi sukcesu en via klopodado.

Amike via

Prof-o Ladislav PODMELE

Počemická 333/86
CS-108 00 Praha 10
ĈEĤOSLOVAKIO

FONTO: Podmele, Ladislav. “Pri Simpozio,” Simpozio, n-ro 2, septembro 1983, p. 21-22.

“Pri la Vera kaj Falsa Konscio” de Ladislav Podmele

“Pri Falsa Konscio kaj Mistifiko” de Ladislav Podmele

“La Falsa Konscio” de Ladislav Podmele

“Kritiko de la Falsa Konscio” (daŭrigo) de Ladislav Podmele

“Superstiĉa Pensmaniero” de Ladislav Podmele

“La Ĉefa Senco de nia Filozofado” de Ladislav Podmele

“Komunika Etiko kaj Esperantismo” de Helmut Welger