Du simplaj vortoj nuraj,
sed kion ili diras
sen longaj frazoj pluraj.

Vin kun fier’ admiras
amplene nia koro,
kaj ĉiam resopiras

je edifanta horo,
en kiu tonregalas
vi el postmorta foro.

Nom’ via por ni karas,
ho granda ĉeĥa filo,
nom’, kiu alte staras

en la senmorta milo
sur meritlisto ora
en daŭra glorobrilo.

El via kant’ konsola
pri ĝojo kaj sufero
sonas anim’ popola,

kantas mem ĉeĥa tero.