Kapitalismo Venkis en Britujo

Aŭskultu, hurlas rabobestoj grasaj,
Nu, ili rajtas. Venkon ili gajnis.
Kiam ilia pov’ perdita ŝajnis,
Redonis ĝin la dupoj homamasaj.

Nenio nun malhelpas la bankedon . . .
Sed ie‑tie homoj rememoras . . .
Avino en angulo softe ploras,
Tro zorge vir’ bruligas cigaredon . . .

Se jam mizer’ envolvos la kabanojn,
Se jam malsat’ velkigos la infanojn—
    Vi kulpos, laboristoj, kulpos solaj! . . .

Aĥ homoj, homoj, kio vin insidis? . . .
Nepardoneble vin mem vi perfidis . . .
     En mia koro mortas revoj folaj . . .