| Je la «dia» nomo, kio estas homo, ĉu viŝĉifono por ŝtata bontono, ĉu aperitivo — el dirota sperto — la nura jogurto en festendeserto por bonapetitaj Kremloj, Pentagonoj kiuj — «je la nomo de komunaj bonoj» — aspiras mondregnon pro siaj bezonoj pri la monopolaj prestiĝoj, renomoj? Ĉu por ili homo estas supo, torto, statistika fakto, barelo de nafto, la produkta forto por armileksporto kaj raketrostaĵo en militperforto? Ĉu komunaj krioj el diversaj dioj — plorigaj demandoj sur la sangaj strandoj pri kulminmurdemo de subŝtataj bandoj — restas sen respondoj en ambaŭ mondoj? Spionaviadiloj en translimaj zonoj, preparantaj mondon por milita sperto — per obtuzaj tonoj — respondas sen vorto pri rol’ de perforto en la homa sorto: Estas nun la homoj nur miliardonoj kies etekzisto – sen omaĝ’ kaj tristo — droniĝas en glasoj de ŝtataj primasoj kaj en tiuj glasoj — ĉe novtostaj tintoj — krie knaras ostoj de la pereintoj. |
(1983)
FONTO: Petrović, Marko. “Ilia tosto je nia kosto,” en Sub la signo de socia muzo, red. William Auld & Stefan Maul; ilustris Georgo Kamaĉo (Antverpeno: Flandra Esperanto-Ligo, 1987), p. 100.
William Auld Memorial Page / En Memoro
ATEO: Bazaj Informoj & Enhavtabeloj de Ateismo
Esperanto & Laborista Movado / Esperanto & the Labor Movement
Esperanto & Interlinguistics Study Guide / Retgvidilo pri Esperanto & Interlingvistiko
Home Page | Site
Map | What's New | Coming
Attractions | Book News
Bibliography | Mini-Bibliographies
| Study Guides | Special
Sections
My Writings | Other
Authors' Texts | Philosophical Quotations
Blogs | Images
& Sounds | External Links
CONTACT Ralph Dumain
Uploaded 7 June 2015
Site ©1999-2015 Ralph Dumain