Mia Deksepa Jaro

Tiuj superprezaj pratagoj,
tiuj Faberĵeaĵoj.
Ne, mi ne povas nostalgii pri naivo.
Nur, hantas min de temp’ al temp’
fantomoj, kiuj likas el
la burĝaj trotuaroj.

La bluso, la Volksvagona buso.
Vino, vagino, haŝiŝo.
Aventuroj en arbaroj kaj valoj
sekretaj. La ritoj enrondaj.
La ridegoj. La Jesuaj hararoj.
La kanzonoj. Ĉiu sankta gitaro.
Imagitaĵoj, spite al Usono,
kiu perdis animon,
kaj baldaŭ perdos vivon.

1987.01.20